Can pa la rei del metan a Cianacei?

Data

24 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L conseier ladin Luca Guglielmi à fat na interogazion te Consei provinzièl per saer i tempes de la neva gara de conzescion de la Provinzia

Te Fascia l metan é stat portà jà acà 20 egn te beleche duc i paìjes, fora che a Cianacei, che enlouta aea dezidù de ge jir dò a n’autra strèda: l’aministrazion de Comun aea lurà per la projetazion e la realisazion de na zentrèla de telesciudament ajache la pissèa che fosse stat la mior soluzion per esser autonoma. Ti egn purampò l’é sutà fora desvalives problemes, de sort aministrativa da man de etres enc, ma ence per via de la mencianza de finanziaments publics per chesta sort de intervenc, che enveze era stac dezidui te la legislatura da inant. Chisc fac à portà l’aministrazion de Comun de Cianacei à cerner per la metanisazion del paìsc.

Dachelanvìa enstadì l conseier provinzièl ladin Luca Guglielmi l’à fat na interogazion te Consei provinzièl domanan che vegne responet sobito.

L’assessor competent Mario Tonina ge à responet che la Provinzia la é dò che la verifichea la fatibilità tecnica e economica de distribuzion. “L Comun de Cianacei ge à jà manà a la Provinzia n studie de fatibilità – à dit Tonina - ma mencia amò n muie de passajes anter chisc l’analisa cosć-benefizies. Per i tempes ge vel tegnir cont che la gara de apalt va fora ai 31 de dezember del 2019, dapò ge vel dèr fora i lurieres. L Comun de Cianacei pel semper aboncont endrezèr na gara autonoma fin canche no se fèsc inant l nef gestor.”

De più su la Usc nr 16 stampèda ai 19 de oril