Convocazion per i ejames de ladin

Data

26 de auril 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La presidenta de la Comiscion di ejames fèsc a saer la dates de la proes di desvalives livìe per i enscinué

La Comiscion di ejames de ladin, con sia presidenta Sabrina Rasom e la componentes Mariagrazia Pitscheider, Lodovica Dioli e Francesca Dorich à fat fora la dates de la proes scrites e a ousc per i enscinué a chesta sescion di ejames de ladin, che i é en dut 33 anter i gregn e 25 studenc de la Scola.

Se pea via ai 13 de mé da la does domesdì te senta de la scola populèra de Vich con la proa scrita per l livel B2 e per l livel C1; ai 14 de mé da la does domesdì te la senta del Liceo sarà la proa scrita per l livel B1 e ence chela per i livìe C1 e B2 resservèda ai studenc de la Scola de Fascia.

I candidac che arjonc 7/10 te la proa scriva vegn ametui a la proa a ousc; la data de chesta vegnarà fata a saer en ocajion de la proa scrita.

Ai 24 de mé da la does domesdì te senta del Comun General de Fascia sarà i ejames demò a ousc per l livel A2.

La comunicazion completa de la convocazion con duta la indicazions é da troèr sul sit del Comun General de Fascia (www.comungeneraldefascia.tn.it), sezion “L Comun General fèsc a saer” o sui albi telematics di Comuns e de la Scola de Fascia.

 (lg)