Studenc e genitores a “scola de web”

Data

15 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I esperc de la Polizia Postala é rué te la Sorastanza per rejonèr tant coi joegn che coi gregn di pericoi del web e de la strategìes per i schivèr

La Scola de Fascia é da semper ascorta ai mudamenc de la sozietà, per vardèr de i entener e de meter dant proponetes concretes che deide si studenc a crescer e a esser enjigné a ge fèr front.

Per chest da egn la se cruzia ence de studièr fora scomenzadives per formèr sentadins digitai, realisan percorsc tant per i studenc che per i genitores. Anchecondì n joen no l pel fèr condemanco de aer chesta competenzes ajache semper de più, te vigni setor de sia vita, tant per studie e lurier che personal e de relazions, l cogn se emprevaler de sistemes digitai e l cogn esser bon de i durèr te la vida miora e dreta.

La scola donca l’à na pèrt ativa te l’educazion a la “zitadinanza digitala”, no demò duran didatiches che se emprevèl di strumenc digitai e de metodologìes de lurier inovatives, ma ence con percorsc che sporc momenc de reflescion e i deida a desfrutèr la oportunitèdes del web a na vida più ascorta e consapevola.

Per arjonjer chest obietif, ampò, l’é besegn de meter a jir na sinergìa percacenta con la families. Per chest tel meis de oril te Sorastanza a Sèn Jan l’é ruà doi esperc de la Polizia Postala de Busan per rejonèr de temes emportanc che pel esser ence dassen grieves, desche l cyberbulism, l “grooming” (adescament de mendres tel web), l “sexting” (sparpagnament de retrac con contegnui sessuèi) e l robèr l’identità digitala. La scomenzadiva, dal titol “Sei connesso@?”, é stata spartida te doi scontrèdes, una coi studenc de seconda de la scola mesènes e una olache l’é stat envià i genitores.


De più su la Usc nr 18 stampèda ai 10 de mé

 (ab/lg)