L’èga de le Gran Fontane te bòcia

Data

15 de mei 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Fassa Terme à ciapà l’autorisazion da la Provinzia per l’enrescida de èga minerèla. La sozietà vel investir te n projet sostegnibol col marchie “Fonte Fassa”.


Desfrutèr l’èga oligominerèla de le “Gran Fontane” per n projet sostegnibol de gran spessor per duta la val. L’é chest l nef obietif de la sozietà Fassa Terme prejentà enstadì a la radunanza di sozi.

Ló da le Gran Fontane, pech dalonc da olache l’é stat fat sù la termes, se troa fontènes da olache vegn fora presciapech 8 litres de èga al secont. La pruma analises fates sun chest’èga à moscià che se trata de èga oligominerèla de gran calità, ajache l’é ite na bassa prejenza de sodie. L’èga vegn fora a na temperatura anter i 4,5 e i 5,7 degrees che vel dir che la nasc n muie fona te tera sot Sas da les Unesc e da les Doudesc. L projet de fatibilità, prejentà a la radunanza di sozi, se met dant de fèr sù n stabiliment per meter te bòcia l’èga. A la tor duta se podessa ruèr a fèr presciapech 25 milions de bòces a l’an tel soul format da 75 cc., che l’é chel più domanà dal marcià.

I sozi à ence aproà l bilanz de Fassa Terme e i mudamenc al statut percheche la dovente na sozietà per azions.

De più su La Usc stampèda de en vender ai 17 de mé del 2019   (Monica Cigolla)