Elisa Darman nuova prescidenta del Sci Club Arabba

Data

15 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Diretif renové con troc progéc en cantier. Prum debujen, en nuof pulmin.
El Sci Club Arabba l a en nuof prescident. Elisa Darman l a ciapé la luoga de Alessio Manzato che no l’a plù azeté de sté su per en auter mandat.
El nuof consei, en gran pert renové, el s’a biné nte le setemane passade e l’a fat l inom de Elisa Darman, che bela fajëva pert del diretif, per tò su l’enciaria. Con dëla a viśé l’associazion per i doi agn che ven sarà Simona Paghera, vize prescidenta e esecretera, Kurt Pernthaler, tesorier, Paolo Davare, sourastánt per le gare, Andrea Palla e Pellegrini Federico che de cruziarà dei trasporć dei atlec, Alessandro Franzini che starà soura ai tesseramenć e Luciana Selle che avarà da sté soura al magazin. Come dit envalgune riconferme chelche nuof consiadou. «Si – spiega Elisa. «En particolar endesplesc che no n é plù ite Flavio Crepaz, per agn secreter, che per motivazion personai no l a plù azeté. A dël va en gran Diotelpaie per dut el laour che l a fat«. Fate l diretif i é bele trope le cuestion da tò a mán. «Per prum – disc Elisa – on pensé de antizipé la giourida de le iscrizion che de sciolito vigniva fate via per l auton. Chëst emprumadeut per na cuestion de organizazion: i pulmins, i alenadous, mëte a jì la preagonistica en palestra e coscita ennavánt. Auter problema sarà chël de compré en nuof pulmin.
On damané en contribut al Bim e ence el Comun l a dit che el darà na mán. La novità l’é che per el prum viade ntel consei on ite consiadous esperc del setór: Paolo Davare e Federico Pellegrini.

Deplù te la edizion stampeda dl 16 de agost.