Ntel 2020 na segiovia da 8 posć su «Le Pale«

Data

16 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Intervent de la sozieté Sit Boé per potenzié la Sellaronda
I dis passei la sozieté Sit Boé che gestisc i lifc de colegament ntra Reba e l Jou de Ciaulonch l‘a prejenté a la provinzia de Belum la verifica de asogetabilité a la Via del progét per la realizazion de na nuova segiovia da 8 posć nte la luoga de chëla clamada „«Le Pale«. La segiovia la porta da Plán Boé ai Bec de Roces i schiadous che ven da Reba su co la segiovia del Burz e l‘é anel de colegament de la Sellaronda del viers luviers a chël dei zagri. L impiánto, en aganciament automatico da 4 posć l ann che ven el ruarà ai 20 agn de servisc. Per le normadive en vigor, per podei continué a funzioné, mossëssa ie vignì fat na revijion general che perveiga del trè cuaji deldut en tòc e mudé fora pert de gran emportánza, come dut l azionament eletrico. Intervenć che assa en cost. Per chëst la sozieté l‘a dezedù de tò l‘ocajion per renové dedlut l impiánto e l potenzié. Come dit la segiovia l‘é un dei aniei de colegament de la Sellaronda, ulache nte chisc ultimi 15 agn el livel de le enfrastruture l é chersciù depierpoi per arjonje liviei mascimi de ecelenza a livel mondial. La realizazion de nuove piste da schi, el slargé chële che bele l é e le dote oramei cuaji dute e impiánto a de fè nia artifizial a porté tres plù jent su per i impiánti, tánt che oramei per troc l é sté passé via la capazité de porté jent pensada davánt 20 agn.

Deplù te la edizion stampeda dl 16 de agost