En vare ennavánt per la strada de Jorc

Data

17 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Sit Boé a prejenté el progét ma el Comun conzede autri 3 agn
La cuestion de la nuova strada de Jorc l’é tournada nte consei de comun ma sto viade con velch da tazón: en progét de fatibilité prejenté dala sozieté Sit Boé. Del problema sen descór oramei da agn. Jorc l’é forsci l’ultima frazion del Comun che no n a na strada che rua laprò. O meio, l’é ma via per l inviern chësta la ven curida da le piste da schi che ven dal Burz ju. Fin che degugn ava le machine la situazion la vigniva ence azetada. Ma da nen toch ncà i abitánc i a scomencé a damané de podei avei na strada giourida da podei rué su ence d’inviern co na machina. Sa Jorc vif na mëda de temp e autra jent, ntra chisc sciori, che no azeta plù sta situazion. Na soluzion la podëva ester ciapada demé a se descore fora co la sozieté Sit Boé che gestìsc le piste del comprensor del Burz e spò ence chëla che d’inviern curisc via la strada, perauter ërta e gnánca asfaltada, de porta sa Jorc. N l ann passé d’aisciuda via el Comun l ava dezedù de bate i pugn sun taula per smuove fora la situazion e l’ava dé en ultimatum ala Sit Boé: se nten ann no se fossa ruei a avei en progét nte la mán l’aministrazion l’ava manacé de trè via le concesción su nen valgugn tarens comunai ulache passa le piste da schi.

Deplù te la edizion stampeda dl 16 de agost.