Dolor a Fodom per la mort de la jovena Vanessa Masarei

Data

11 de setember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Duc à sperà fin in ultima che la jovena de 22 agn Vanessa Masarei la se la cavasse da chel burt incidente suzedù inier intor le nuof da doman su la strada tra Zenzenie e Avoscan nanter suo auto e n furgon Ducato. Portada de corsa col elicotero al ospedal de Treviso, incuoi da doman l'é ruada la trista nuova de sua mort. Paruchiera de mestier, Vanessa l'eva neoda del cugnessù maestro Sergio Masarei, per agn redador da Fodom de la Usc di Ladins. Nte sto trist momento de dolor, duta la jent la se strenz dintor al dolor de la famea e incia da banda de La Usc dei Ladins rue le pi sentude condolianze a duc i suoi parenc.