Sabeda ai 3 de otobre l nuof Consilio de Comun da Col à tignù sua prima sentada, a la prejenza de duc cuanc i consilier. L capocomun Paolo Frena, darè avè giurà, l à fat savè al Consilio che i doi assessor che jirà a fà part de la Jonta sarà Carlo Agostini, che l sarà incia vizecapocomun, e Maurizio Troi, per na jonta che la é compagna a chela del mandat davant. Le deleghe i é stade dade fora cujì, incia se l Capocomun l dit che pol ester che pi inavant, se sarà l'oportunità, vegne dat calche delega incia a chi auter consilier:
- Paolo Frena (capocomun): laori publici, personal, urbanistica, sanità, sozial, agricoltura, raporc col Trentin-Südtirol;
- Carlo Agostini: bilanz, cultura, istruzion, raporc co le Regole, volontariat;
- Maurizio Troi: turism, artejanat e comerz;
- Veronica Lezuo e Alfonso Pezzei: Unione Montana (pi de derit l Capocomun).
Martino Pezzei
