Canche st’istà Paolo Frena l s’à tornà a candidà per l posto de capocomun da Col l à mitù bel n ciaro che una de le priorità del suo mandat sarave stà chela de tornà a ció ca la cuestion del referendum del 2007, juda debota n desmentia ma che valgugn no vol lasé che la vade a se parde parceche la volontà che la jent à dit ciara e forte n chel di la speta ncora la politica la i responde. Na ote riconfermà, l à dit che sua volontà l eva chela de provocà na dezijion su n chel referendum da banda del Parlament, che l dijesse de si o de no cujì da podè ancajo tornà a fà n auter referendum, incia magari no con duc e trei i comugn de Souramont.
A se mete permez sta ota no l é stat Bolzan e gnanca l Veneto, ma chi auter doi capicomun dei comugn referendari, Leandro Grones per Fodom e Gianpietro Ghedina per Anpezo, che i dis che l mondo l é mudà ntei tredesc agn che l é passà e che anter fonc ODI e i granc evenc sportivi che vignarà s’à rinforzà la colaborazion co al provincia de Bolzan, e che chest l’impermet nte na zerta maniera de passà sora al confin geografico. (Martino Pezzei)
(de pi su la Usc de vender ai 13 de novembre)
I capicomun de Souramont spacai sul referendum per passà con Bolzan
Grones e Ghedina: “Anter fonc ODI, Mondiadi de schi e Zoghi olimpici, sion n bogn raporti col Trentin-Südtirol. L mondo l é mudà nte sti 13 agn”
Galaria retrac
View the embedded image gallery online at:
https://www.lausc.it/valedes-ladines/fodom/13978-i-capicomun-de-souramont-spacai-sul-referendum-per-passa-con-bolzan#sigProId62970f1fbb
https://www.lausc.it/valedes-ladines/fodom/13978-i-capicomun-de-souramont-spacai-sul-referendum-per-passa-con-bolzan#sigProId62970f1fbb