La Usc di Ladins

La situazion sanitaria a Souramont no la ven meo: incia Col l à i suoi prim doi caji de zitadign pojitivi al Covid nte sta seconda passada del virus, 225 i é n Anpezo, 10 a Fodom (dac ufiziai Azienda Zero). Degun segn che l posse fà sperà de tornà prest a la normalità de davant, incia se dut setor del turismo l spenz per podè tornà a daurì i lifc almanco per Nadal, cujì da podè salvà almanco na part de la sajon che la se anunzia bele come davero magra.
Inier la Taula Tecnica anter le Regiogn l à mitù ju sue proposte per podè pèe via co la sajon dei schi, ma i esponenc del Governo no i somea de l'idea de inconsentì ai taliagn de jì a fà le vacanze su la nef per paora de n autra criji sanitaria: l ministro de le Regiogn Boccia l dis che no vignarà impermetù de muove come de d'istà e che ncuoicondi no l é le condiziogn per podè tornà a daurì i lifc, e l premier Conte l à dit de no a le vacanze sui schi. Staron a vede.

Martino Pezzei