La Usc di Ladins

L President de la Provincia de Belum Roberto Padrin l é de l’idea che sarave meo sarà su dut da le feste per no zidà de se ciatà de genaro ncora de pi nte le petole, con na situazion che la deventarave ncora pi critica no domà per l’emergenza sanitaria ma incia per chela economica. L é ora de adotà mijure forti e se nezasario che no i sape bele a duc, incia nte la segureza de jì incontra a conseguenze pejoche per duc, sota la spenta de na sanità semper pi n dificoltà – e incia parceche, dijon noi, come se polelo pensà de daurì i lifc se no se pol debota gnanca jì n ospedal per an giamba rota? – e incia a cost de i taié le giambe per sto invar al setor del turismo, che l se despera a vede le mont piene de nef e a no podè daurì i impianc.

Martino Pezzei