La Usc di Ladins

Gauja l Covid sta vea de la Pifania nta Col no vignarà fat l gran panevin come duc i agn (almenco canche le condiziogn del temp le l impermet) e no vignarà le donaze a sprigolà i tosac e a provà a se porta via le tose, ma darè che la jent à domandà l é stat conzedù de fà l panevin nte le fraziogn come che se feva zacan, canche sta tradizion la eva domà de la jent del pais e no dei turisti. Sti ultimi agn sta ujanza la s'ava n frego pardù, ma speron che siebe l'ocajion per tornà a la ciapà ite, per se passà de puoz na bela sera a vardà l fuoch per po se tirà daite e magari magné de bogn cajunziei.

Martino Pezzei