Barba Lino Pezzei »Crust« da Ciastel a Fodom, nost abonà, l à na gran passion per duta la natura che l vede dintor e per la ció ju co la machina fotografica. Staota l n’à fat avè le foto, fate l’istà passada, de sti fonch che l vedeva per la prima ota (e si per chi luoch l é passà agn e agn!) e che ai vede no somea gnanca fonch, ma pitost na brama cota con na salsa de fraie o de muoie. L suo inom scientifico l é »Hydnellum ferrugineum« e l é n fonch de la famea de le Bankeraceae, no pi grant de 10 zentimetri, chel se ntel cresse l ciata arba o gujele o ramec li cres incia dintorvia. Da joven l é biench e ntel vignì vege l deventa maronzin e po gris, ma chel che l é pi strano l é che sul ciapel del fonch se forma de le goze rosse de n liquido da la saor agra che somea che l vegne fora diretamente dal ciapel. Sto fonch no l é bon da magné, e se valgugn avesse da avè la fortuna de n ciatà de auter a jì per bosch l é na scuja n pi per l lassé stà parceche incia autra jent la posse se gode sto spetacol de la natura.
Martino Pezzei
Na sort de fonch duta particolare
Galaria retrac
View the embedded image gallery online at:
https://www.lausc.it/valedes-ladines/fodom/15330-na-sort-de-fonch-duta-particolare#sigProId6129e14835
https://www.lausc.it/valedes-ladines/fodom/15330-na-sort-de-fonch-duta-particolare#sigProId6129e14835