La sajon de d’invar per l turismo del Belumat la se sara con n -76%: l é stà pardù zirca 40 miliogn de euro domà per chel che revarda i
alberghi, da chel che dis le stime de la Confcommercio de Belum, a fà n confronto co la sajon de d’invar 2018/2019, l’ultima intiera davan
che rue l Covid. Se sava che l turismo l eva un dei setor ulà che la pandemia ava petà ju pi sech, ma vede i numer l é duta n autra roba: e a chi 40 miliogn l é da jontà dut chel che gira d’intor, boteghe, nolegi de schi, fitaciaune, rifugi da mont. La Federalberghi de Belum la domanda che vegne slargé fora l numer de le atività che pol ciapà l’esenzion dal IMU, che l venge ciot de mez del dut l Canone Rai (per ades l é pervedù domà n scont del 30%) e che se provede a dà na man a le struture incia per i pagamenc per l servizio de le scuaze.
Deplù te la edizion stampeda dl 23 de auril.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
|