Sabeda ai 22 de mai dadoman chi che l é passà per la galeria de le Mole per ruà a Col i à pudù vede n valgune scrite fate col spray ros, ulà che l autor l brontolea ajache del referendum dei ladign de Souramont del 2007 no s’à pi sapù nia e i trei paisc i é ncora n provincia e Belum e n Veneto: de prezijo l eva scrit »Darè 13 agn sion stuf… fora dal Veneto… fora da Belum… noi sion Südtiroler… volon na Ladinia unida«. Probabile che chest l siebe stat scrit nte la speranza de portà iaro n prim piano la cuestion referendaria, magari incia co la scusa del Giro d’Italia che l sarave passà doi di darè. Ma sto gesto no l à bù na gran fortuna ajache bele n chel di l capocomun da Col, suo vize e n laurant de Veneto Strade i s’à cruzié che chele scrite le vegne scancelade, per no ruinà la paruda del pais n ocajion de le Pentecoste e del Giro d’Italia.
Deplù te la edizion stampeda dl 4 de jugn.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
Ulà elo jù a finì l referendum del 2007?
Scrite a Col per protestà contra la situazion del referendum de Souramont: da agn oramai dut l é fermo e no se sa ceche fas chi che avesse da se cruzié de portà inavant la volontà dita bel n ciaro da la jent n chel di, dei 28 e 29 de otobre de ja debota 14 agn
Galaria retrac
View the embedded image gallery online at:
https://www.lausc.it/valedes-ladines/fodom/15906-ula-elo-ju-a-fini-l-referendum-del-2007#sigProId8ebad1cb94
https://www.lausc.it/valedes-ladines/fodom/15906-ula-elo-ju-a-fini-l-referendum-del-2007#sigProId8ebad1cb94