Tarife self comunai
La jonta de Comun l’a aprové le tarife al dì per douré i self comunai. Per el Zenter dei congresc de Reba se paiarà 350 euro (400 col sciaudament), Self Boé e Self del Taulac 90 euro (120 col sciaudament ), Self Tirol 130 euro. Duc i priesc i é plù Iva. A le associazion del luoch che met a ji manifestazion le ie vignarà conzedude debann.
El Comun vën en pulmin.
El Comun el ven en pulmin de seconda mán Daimler Chrysler model AGMBC, doté de pedana per trè su na persona con carozina. El priesc minimo l é de mile 500 euro. El furgon l a la revijion che vèl fin de merz del 2022 e l a su 48.798 chilometri. Le ofierte le mossa rué ite nte Comun no plù tert del 26 de lugio nte na busta sarada. Per informazion su apuntament 3396930352.
Contribuc per l’aluvion del 2019
Davò la deliberazion de la Region n.663 del 25 de mei, l é sté giourì i tiermegn per coie su le domande sotscrite da privac per i bens mobili sul teritorio comunal che a bu dagn a gauja del burt dal 12 al 29 de november del 2019. I modui scric fora e sotscrić i mossarà ester consignei nte Comun o manei via Pec a sindaco.comune.livinallongo.bl@pecveneto.it no plù tert de le 12:00 de lunesc 12 de lugio. Info sul scito del Comun al numer 0436 7193 numer intern 2.
Deplù te la edizion stampeda dl 9 de lugio.
ABONAMENT 2021 70,00 € por la Talia – INFO aministrazion@lausc.it
ABO E-PAPER https://lausc.it/abonament-e-paper-la-usc-di-ladins
