La Usc di Ladins

La pandemia permet da rodé te chest moment, y chi che é nascius dl 1956 a Col de Santa Luzia nen à aprofité per se abiné y fé festa per
l’ocajion, co che ei prova de fé vigni cinch agn (y per desmentié de avei arjont i 65!), con n viade de doi dis a Minca.
En vender passé à don Renato Tasso zelebré la Santa Messa da les diesc tla gliejia da Col per duc chi che à podù vegnì y per recordé chi
dla classa che ne é nia plu, y spo é i coscric jus duc adum a marena, per recordé l temp passé adum can che ei fova mutons, a scola y a se devertì, empruma da ciapé vignun sia streda tla vita. Domesdì é n valgugn piés via per Minca, olà che un dla classa vif da trueps agn y à n restorant talian: el i à conduc a vijité la cité. Te trei dis à chi da Col vijité l ciastel de »Nymphenburg«, con sie gran parch a la franzeisa, che fova la residenza da d’isté di resc dl Paiern, le »Marienplatz«, plaza zentrala dla cité le »Neues Rathaus«, senta dl Comun fata su tl XIX secul, la »Münchner Residenz «, la senta tl zenter dla cité di resc dl Paiern, tost desdruta dai bomabardamenc dla Seconda Vera y refata su n puech a la outa. A la fin dl viade é la la classa dl ’56 ruveda a Col la domenia da seira, con l impegn de se abiné da nuef te cinch agn y da ne perde nia chesta tradizion.