La Usc di Ladins

Al é passé oramai 14 agn, encuei ai 29 de otober, dal di dl referendum di trei comuns de Souramont per lascé la provinzia de Belum y passé a chela de Bulsan: n referendum che, ence sce la gran part dla jent à voté de sci, ne à nia abù resposta da la politica no nazionala no locala y che nes lascia tla medema situazion dl di do la votazion. La chestion referendara vegn fora vignitan, en gran part canche valch polemica o protesta publica sauta fora per damané olache la domanda legitima dles trei comunités é juda a finì. La discuscion dura doi o trei dis y dapò muer dut via tl chiet, y les persones che à voté te chela ocajion se sent coionedes, y la speranza de n mudament dà do semper de plu. L Istitut Ladin Cesa de Jan à publiché dant da puech n liber, »Storia de un referendum e de un popol che no n’é mai stà abadà«, che claresc ben duta la storia che à porté al referendum dl 2007 y chel che é intravegnù do: ence sce al é vegnù fat n valgugn varesc per sconé l lingaz ladin (sies proponetes de lege per mudé Region, stipendiums per i mutons de Souramont che và a les scoles secondares per frecuenté l cuart ann foravia, raprejentanza per les trei comunités tla Euregio y prejenza de si raprejentant al »Dreier Landtag«), n’él vegnù fat degun progres concret per l passaje de Col, Fodom y Ampez da la Provinzia de Belun a chela de Bulsan.

Deplù te la edizion stampeda dl 29 de otober.

ABONAMENT 2021 70,00 € por la Talia – INFO aministrazion@lausc.it

ABO E-PAPER https://lausc.it/abonament-e-paper-la-usc-di-ladins