La Usc di Ladins

Davò ester stada sburlada per ben doi oute a gauja de la pandemia, domënia 21 de november, da le 5 davòmesdì, ntel Self del Taulac a La Plié, l’Union dei Ladins da Fodom la tignarà la sentada generela. Co l’ocajion vignarà ence prejenté la ristámpa del liber de Ricardo del Biel »Ierbe, flou e plánte da Fodom«. El liber l eva fenì da nen toch e encora tropa jent el damanánva. Per chëst grazie a la colaborazion e la volonté del Dolfo, fiol del Ricardo, l'Union la s'a tout su a cuor de tourné ale stámpe con chësta publicazion, che l’é stada riveduda e coreta fora nte la stámpa e ntei tesć.

La prejentazion la vignarà curada co la colaborazion del espert Pietro Concini, che el spiegarà e l contarà de le ierbe da medejina. Nánterite la Antonietta Crepaz »Pecula« la liejarà ju envalgune sue poejie. A la fin vignarà fat le votazion del nuof consei de l’Union dei Ladins. Per chëst se fesc apél a duc chi che a cuor la cultura ladina de se fè ennavánt con suo inom per fè pert del nuof consei. Se recorda che per tò pert a la sentada l é l obligo de avei el green pass.