La Usc di Ladins

L Consei Regional dl Venet à aprové ai 19 de otober, con les ousc consenzientes dla coalizion dla Lega y de na pert dl Grup mescedé (astegnudes les oposizions y Fratelli d’Italia), la proposta de lege presenteda dai consiadours dla lista Zaia y dla Lega, che à abù la consiadoura regionala y ex ombolta de Selva de Ciadoura Silvia Cestaro coche pruma a firmé.

La lege nueva preveid l impegn dla Region per la protezion, la promozion y la valorisazion dl ladin, dl zimber y dl furlan te sies comunités etniches y linguistiches; ala reconesc la poscibilité de adoré l lingaz de mendranza tles sentes istituzionales co che prevedù da la lege nazionala sun les mendranzes n. 482/99 y l impegn percieche l lingaz de mendranza vegne adoré deplù dai enc locai, semper assozié al lingaz talian. La Region Venet sostegnirà enc y organisazions che porta inant ativités de archirida storica y sun l lingaz dles comunités ladines, zimbres y furlanes, la promozion y publicazion de studesc, archirides y documenc ence en colaborazion con la universités dl raion y da fora, cursc de cultura locala, la valorisazion di museums locai y istituc culturals, servisc de traduzion y de archirida lessicografica, la organisazion de manifestazions che reverda i guanc y les tradizions, la valorisazion dla toponomastica y (chesta é na nueva) formes de colaborazion y jomelanzes ence soura i confins nazionai anter comuns y autri enc locai. L sostegn é prevedù ence percieche la jent de dutes le etés, y nia demé i mutons, empare l lingaz de mendranza y per scomenciadives che porte inant la colaborazion anter i grups de mendranza desferenc dl raion dl Venet y sies assoziazions.

Deplù te la edizion stampeda dl 12 de november.

ABONAMENT 2021 70,00 € por la Talia – INFO aministrazion@lausc.it

ABO E-PAPER https://lausc.it/abonament-e-paper-la-usc-di-ladins