La Usc di Ladins

La Plié da Fodom. N sabeda ai 25 de jugn nte Self del Taulac l é sté prejenté la nuova publicazion, dada fora dal Istitut Cultural Ladin Cesa de Jan, dal titol “Cugniscion noste Vijinánze – Alla scoperta delle vicinie di Fodom”. N laour che fesc pert de n projet plu slargé fora che à chëla de volei valorisé le desdot vijinánze del Comun da Fodom (La Plié, Salejei, Pala e Daghè, Ciastel, Andrac, Larcionei, Vijiné de Là, Davedin, Ornela, Souraruac, Valacia, Reba, Verda, Chierz, La Court, Contrin, Brenta e Liviné, Vijiné de Ca). Nvié via dal Bepo Gobo e coordiné dal Diretor del Istitut Denni Dorigo, l é sté biné pro n grop de laour, con ite jent che à a cuor l davignì de nosta val: Giuseppe Pellegrini, Stella Palla, Eleonora Demattia, Denni Dorigo, Lucia Sottil, Manuela Ladurner e Lidia Rui. Dut l é scomencé col cherì fora nformazion e studié le particolarité de vigni vijinánza: la storia, l’architetura de le cese vegle e de chële plu nuove, i molins, le sieie, le gliejie, i crisć e i auterioi, le albine, i travai, i ourc, le brente e i festis… dut chël che carateriseia nuosc paisc.

Deplù te la edizion dl 22 de messel.