La Usc di Ladins

Incuoi da doman nte la sala consiliar del comun de Musile de Piave l'é stada la prejentazion del proget "Chi ama dona", proget che l ven metù a jì ogni an nte sto comun ntei di dintor San Valentin. Sto an, tenendo cont de la aluvion che à ciapà ite nuos luoch, l'aministrazion de Musile l'à pensà de destinà dut ce che vegnarà tirà su al comun da Col. N raprejentanza del pico comun ladin l eva jù ju l assessor al turismo Maurizio Troi e l diretor del Istitut cultural ladin Cesa de Jan Denni Dorigo. "Da ades fin a la fin de mai nte na trentina de eserzizi publizi del comun de Musile vegnarà metude ju na trentina de limojine - n'à contà l assesor Troi - ilò, chi che volarà, i podarà lassé na oferta per l comun da Col. A la fin, i tosac da scola i spacarà ste limojine e ce che vengarà tirà su l vegnarà metù per comprà ite material per l corpo de protezion zivil de Col".

(De pi su La Usc de vender 15 de febraro)