Dolor a Col per la mort de la Maestra Maria

Data

17 de merz 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Insera l'é vegnuda a mancé nte la cesa de paussa Vila S. Ijep a Fodom Maria Sief, meo cugnessuda come la "Maestra Maria". Nassuda nte la frazion de Posauz a Col ai 30 de otobre del 1929, Maria l'à fat la maestra per na vita a dejine e dejine de scolari nanter la Val Badia, Fodom e Col, andando cussì darè le pedie de sa meda, la cugnessuda maestra Luigia Lezuo. Presidente da la Union dei Ladign da Col ntei agn '80, la Maria maestra l'à semper bù na granda predispojizion per l scrive, predispojizion che la l'à portada a mete ju poejie per ogni ocajion e articui de aprofondiment cultural no demà per La Usc di Ladins, ma incia e soraldut per "Le Nuove del Pais", l boletin del decanat da Fodom. Nte sta trista nuova la redazion de La Usc di Ladins la se strenz dintor al dolor dei fioi Luca, Roberto e Federico, de le nore, dei neodi e de duc i parenc. L rojare l vegnarà dit su nte la gejia da Col sta sera e doman da sera da le 20.00; la sepoltura la vegnarà inveze fata martes 19 de marz daremesdì.