Gherdëina-Perù: la cunlaurazion va inant bën!

Data

13 de messel 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N vënderdi dl'ena passeda iel stat la giaurida dla mostra de mubilia, zipleda y laureda ora dala jënt dl Perù. La mostra ie davierta nchin ai 23 de lugio. L ie danter l auter da udëi mubilia d’uni sort, liec, mëises, ma nce vel’ auter lëur coche chëutres o servietes per i mëndri.

Da Gherdëina nchin tl Perù
La mostra vën metuda a jì dala grupa “Gherdëina per l Perù”, n proiet nasciù tl 1981 tres Max Moroder, nce ël prejënt pra la giaurida. Coche conta l pere dl ambolt de Urtijëi ie ël zacan jit tl Perù a ti nsenië ala jënt plu puera coche n zipla - a man! -. La scumenciadiva ie unida for majera y majera, y nsci iel ti ani for plu y plu artisć y artejans de Gherdëina jic via tl Perù per ti nsenié n ert ala jënt puera. Ncuei ie la grupa nce ativa te d'autri Stac te duta l'America Latina.

"Tel tipes" 
La giaurida dla mostra ie unida arichida - tl drë' senificat dla parola - dala grupa de ciantarines "Tel tipes". La grupa de jëunes metuda adum da Romina Glira, Laura Moroder, Isabella Mussner y Johanna Kostner à ciantà per l prim iede dan al publich. Y ce performance! Ala jënt ti àl propi sapù scialdi bel.

Foto: Tel tipes.

Deplù te La Usc stampedas di 12 de lugio.