Meldefuech sot a Pas Pinëi

Data

16 de agost 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L fova mpue’ dan la 17.00, n vënderdi ai 16 de agost, che l jiva la sirena a Urtijëi. Trëi iedesc. Bele per l cuarto iede te mé cin’ dis te Gherdëina.

L verd sot a Pas Pinëi, da prima nfurmazions de La Usc di Ladins pra l tublà dlongia l Hotel Scherlin. Riesc ie muec i Destudafuech de Runcadic y Urtijëi, ma pona passòvel y passa (l ie la 17.07) nce for inò auti di Destudafuech cun la sirena da laite ora tres la Tresval. Dal zënter de Urtijëi demez vëijen n iede n gran fum y flames, che vën for majeres y majeres. Ntant fòvel l gran cruzi de destudé l fuech pra tublà. Tan inant che l fossa pricul per la cëses iló dlongia ne fòvel mo nia da nriescer, ntan che l articul univa scrit.

La sirena ie for ncherscëula. Tëmp de cin’ dis iela jita bën cater iedesc te Gherdëina!

David Lardschneider