Smendron l refudam... y scumencion ncuei!

Data

16 de november 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N sada ai 16 de nuvëmber scumëncia l'ena europea per smendré l refudam y sprech. Ulon duc scumencé a jì de chësc viers. Ma co pa? Na grupa de lëur n con’ dla tematica dl "Zero Waste" (per gherdëina: "degun refudam") se à ancuntà ntan la sëires daviertes a duc #generazionTlima, y à abinà adum ideies de coche n pudëssa smendré l redufam y l sprech te nosta maniera de viver da uni di y ciuni che pudëssa vester proiec o azions da mëter n droa te Gherdëina.

Na azion cuncreta nce te Gherdëina
La scumenciadiva "EWWR - European Week for Waste Reduction - www.ewwr.eu" -, che scumëncia chëst ann n sada ai 16 de nuvëmber y fina n dumënia ai 24 de nuvëmber, à ncurajà mo deplù la grupa a se dé mo na sburdla y mëter a jì zeche de cuncret per chëst’ena. La EWWR sustën la realisazion de azions per manejé la ressurses y l refudam te na maniera sustenibla ntan una na ena. La ncurajea duc canc a fé pea, sibe zitadins che nce autoriteies, y nce dites y mprenditëures privac. Ntant (status ai 11.11.2019) iel bele 12.875 azions registredes sun si plataforma - danter chëstes nce chëles dla grupa de lëur "Zero Waste"(c fotografia njunteda, ndr.).

"Fajëde pea pra chësta ena!"
N gran nvit śën a vo letëures y a duc canc chëi che cunescëis de fé pea ntan chësta ena: tò ca vosta sportula cun laite sac, cuntenidëures y goc y jì a cumpré ite, smendran truep refudam, truepa energia y truepa ressurses! Y pona, ciuldì pa no, nce inant tl daunì! Tla butëighes saràl truepa cunlauradëures che ve juderà a ve lecurdé de chësc, coche nce placac de sensiblisazion.

Foto: Chisc prudoc abìnen nia fac ite, da cumpré te Gherdëina.

Deplù tla edizion stampeda di 15 de nuvëmber.

Per la grupa de lëur "Zero Waste", #generazionTlima Isabella Mussner y Barbara Kasslatter, cun Anna, Barbara, Heidi, Ivan, Johanna, Josef, Katherina, Monika, Nicole, Petra, Sabrina y Sara