Clënder de Gherdëina y liber dlieja de Sant Antone

Data

09 de dezember 2019

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Doi publicazions nueves L Calënder de Gherdëina 2020 unirà prejentà n juebia ai 12 de dezëmber y l liber dla dlieja de S. Antone unirà prejentà n sada ai 14 de dezëmber for dala 18:00 tla Biblioteca Ladina »Anda Malia da Cudan« tla Cësa di Ladins a Urtijëi.

L Calënder de Gherdëina ie inò tlo! La Union di Ladins de Gherdëina à l plajëi de pudëi prejenté n juebia ai 12.12. la 77ejima edizion dl Calënder de Gherdëina. L calënder di mënsc ie te chësta edizion dedicà ai mestieres zacan y al didancuei, y tlo iel nce de bela fotografies n con’ de chësc argumënt. Tl Calënder iel pona sambën da liejer articuli che la jënt de Gherdëina à mandà ite y che trata de d’uni sort de argumënc che va dala cultura, storia, religion a ntraunides, fauna y flora, sport, anuei dla lies, lecurdanzes de persones che nes à lasci, leteratura y poejies. Te na rubrica che à scumencià bele dan doi ani, iel nce chëst ann da udëi la fotografiess di jëuni de Gherdëina che ie jic a tré zedules tl 2019. Y sambën, coche bele da n pez incà, la fotos di maridei. L ne mancia nce no la cronica, la usservazions dl tëmp y la lista di defonc de Gherdëina. Raton inò de avëi na publicazion che possa se lascé udëi. L fossa perchël bel sce unissais de trueps ala prejentazion n juebia dala 6 da sëira. De gra bele danora, nce per Vosc sustëni morel de viers dla Union di Ladins de Gherdëna y n generel de viers dla rujeneda y cultura ladina!

N liber n con' dla dlieja de Sant Antone La dlieja de Sant Antone tl zënter de Urtijëi sun Plaza de Sant Antone ie n monumënt mpurtant per la storia de Gherdëina. Danz che nchinamò manciòvel na nrescida y n nventar ntier de chësta dlieja. La sëula publicazion che descrij chësta dlieja, sun undesc plates y truepa fotografies, ie chëla de Margreth Runggaldier y de Karl Mahlknecht da Palmer cun l titul "St. Ulrich in Gröden – Kirchen und Kirchengeschichte" dl 1992. Coche dit manciòvel nchin a ncueicundì na publicazion rica de storia cun n nventar ntier. Edgar Moroder y Wolfgang Moroder à perchël metù adum cun truep mpëni n liber n con' de chësta dlieja. Edgar à scrit duc i tesć per tudësch, Wolfgang à fat la fotografies. Te chësta prima publication dla dlieja storica de Sant Antone vëniel descrit dut chël che ie da udëi dedora y dedite te dlieja, cun truep details. Ala fin dl liber conta i doi autëures dl liam che i à da pitli insù cun chësta dlieja. La prejentazion dl liber unirà fata tla Biblioteca anda Malia da Cudan tla Cësa di Ladins a Urtijëi n sada ai 14 de dezëmber 2019 dala 18:00. Ve nvion duc a chësta sëira!

Foto: L cuiertl dl Calënder de Gherdëina 2020.