Cie dassons'a fé nchin ai 3 de auril? I ambolc di chemuns de Gherdëina se damanda che duta la populazion se tënie a chësta regules:
- Tan dalonc dëssi pa sté da d'autra persones?
Almanco n meter.
- Sce é fiëura?
Sce la i sëura 37,5° C, cherdé su l dutor de familia, stajan te cësa y ne jan nia tl prim aiut di spediei.
- Possi pa jì te d'autri chemuns?
No chël ne pòssen gordenó, ora che te situazions che muessa vester.
- Possi pa me muever per rejons de sanità?
Sci, for.
- Possi pa jì, per rejons de lëur, nce
View the embedded image gallery online at:
https://www.lausc.it/valedes-ladines/gherdeina/12120-coronavirus-nce-i-ambolc-de-gherdeina-ti-met-a-cuer-ala-jent-de-se-teni-pra-la-regules#sigProIde3e3958188
https://www.lausc.it/valedes-ladines/gherdeina/12120-coronavirus-nce-i-ambolc-de-gherdeina-ti-met-a-cuer-ala-jent-de-se-teni-pra-la-regules#sigProIde3e3958188
Sci, per rejons de lëur iel lascià pro de jì ncantëur. Per spustamënc per rejons de lëur te d'autri chemuns iel bon avëi pea la autozertificazion.
- Sce son dedora dai raions cueceni/oranc, possi pa unì de reviers?
Sci, l ie lascià pro de unì de reviers te si cësa.
- Chi muessa pa assolutamënter sté te cësa?
Jënt de tëmp y persones cun problems de sanità o sistem imuniter ndeblì.
- Vëniel pa tenì mësses o d'autra funzions religëuses?
No.
- Possa pa ustaries, restauranc y gelateries resté daviertes?
Sci, dala 6:00 nchin la 18:00, respetan de sté de zes n meter un dal auter.
- Y sperses de venduda mesanes y grandes?
Chëstes resta stlutes ti dis de festa y nce l di dant, ora che la butëighes de roba da maië.
- Apoteches y "parafaramacia"?
Daviertes normalmënter.
- Scolines, scoles, universiteies?
Stlutes nchin ai 3 de auril.
- Reunions, cunvënies, manifestazions?
Pruibides.
- Pub, chino, palestres, nudadoies, discoteches, museums, biblioteches?
Stlutes.
- Ufizies de chemun?
Belau duc i servijes ie da garat online. L vën garantì i servijes plu mpurtanc
View the embedded image gallery online at:
https://www.lausc.it/valedes-ladines/gherdeina/12120-coronavirus-nce-i-ambolc-de-gherdeina-ti-met-a-cuer-ala-jent-de-se-teni-pra-la-regules#sigProIde3e3958188
https://www.lausc.it/valedes-ladines/gherdeina/12120-coronavirus-nce-i-ambolc-de-gherdeina-ti-met-a-cuer-ala-jent-de-se-teni-pra-la-regules#sigProIde3e3958188
- Possi pa jì a cumpré ite?
Sci, una na persona per familia.
- Possi pa jì a maië da parënc?
L ne n'ie nia zeche che muessa vester. La logica dl decret ie chëla de resté l plu che la va te si cuatier per schivé de se taché y che l virus se slerge ora danter la jënt.
- Possi pa jì a spaz cun i mutons?
Sci, te luesc ulache l ne se abina nia adum jënt y restan for de zes dai autri. L ne n'ie nia pruibì jì ora, ma la va for de schivé che l se abine adum plu persones (nia jënt de familia, plu avisa nia persones che viv bele tl medem cuatier).
- Possi pa jì a secudì i miei de familia, che ie bele vedli y ne n'ie nia plu boni de se deriejer da sëui?
Chësta ie na cundizion de bujën. Ma lecurdëve che la vedla jënt ie chëla plu manaceda, perchël cialëde de varenté chësta persones l plu che la va dal se taché.
- Possi pa jì a cumpré ite tl luech?
Sci, chël ie mesun, ma i buteghieres muessa se festidië de fé ora tanc che possa ite te butëiga, garantian che i posse sté de zes almanco un n meter un dal auter. A uni maniera resta i supermarket y i zëntri cumerziei stluc de sada y dumënia.
- Chëi che mëina la marcanzia, possa pa chëi furné ncantëur?
Sci, chël possi.