Roba da maië per 5.000 euro

Data

05 de auril 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Bonns da cumpré ite per la jënt de tëmp: la Lia Sarëinn à te si ultima senteda "skype" fat ora de mëter riesc a despusizion, per ntant coche aiut asvelt y zënza gran burocrazia, la bela soma de cin’mile euro de bonns per roba da maië.
 
L aiut ndrët y aslune
L presidënt dla Lia Sarëinn Lukas Plancker dij che chisc bonns unirà dac ora tres la Grupa de San Vinzënt per Urtijëi y la Caritas per S. Cristina y Sëlva. "La doi lies ie bele scialdi atives de chësc viers, les cunësc la situazion ti trëi luesc y la persones che à debujën y ie nscila bele n cuntat cun chëstes. Oradechël vëniel nscila arjont che dut vede plu aslune, zënza messëi se tenì ala burocrazia. La jënt adrova bele śën zeche da maië, y no permò te n valguna enes," nscila l presidënt Plancker.

La butëighes dà na man
L’ena passeda àn bele scumencià a dé ora chisc bonns, ala fin n iel mo sautà ora mo trueps deplù de chëi che n ova preudù, de gra ala bona man di buteghieres. "Chësc nes fej scialdi plajëi," dij Sandra Comploj dla Lia Sarëinn, che rengrazia la butëighes Dolomiti Despar, Conad, Maiadives, Berna, Maciaconi, Senoner Sartëur y Gardena Center. Comploj: "Da rengrazië ie nce chëi che à judà a purté ora i bonns, chëi dla Lies y i Destudafuech de Urtijëi che à dat na man."

I numeri de telefonn
Chiche ëssa debujën de aiut possa sambën se lascé audì cherdan su a Urtijëi l numer 335 1031751 (Erna Perathoner Moroder), te S. Cristina l numer 0471 792251 (Iris Demetz) y te Sëlva l numer 349 8203248 (Josefine Linder ).

L articul ntier sarà da liejer tla edizion stampeda di 10 de auril

Simon Peter Moroder

Foto: Lia Sarëinn: chiche à debujën giapa bonns per roba da maië.