La Usc di Ladins

Davia che la situazion ne lascia nia pro de jì te dlieja, ie la Santa Mësses dl’Ena Santa y da Pasca da scuté su dal vif sun Radio Gherdëina

La funzions y la mësses tëutes su a Urtijëi ie da scuté sun sun Radio Gherdëina te chisc orares:
N Juebia Santa dala 20.00, n Vënderdi Sant dala 17.30, n Sada Santa dala 20.30 y n Dumënia de Pasca dala 09.00 y 10.30, da coche lascia a l savëi Radio Gherdëina, che ti mbincia »a duc na Bona Pasca y restëde saninton!«

Sn. Digan Vijo Pitscheider: »La funzions y la mësses de chisc dis ie cun la portes stlutes, cun la dlieja ueta, ma cun l cuer dla jënt, dla families, dla lies, de duta la cumenanza che ie daviert. Chël uel dì che n fej pea la Pasca, che n à legrëza che do l scur de chësc coronavirus saràl inò na vita plu frëscia, plu sana, plu bela, che la ie n tòch de Ressurezion.«

David Lardschneider

Foto: Sn. Vijo, tamez, dij la mësses che n possa scuté su tres Radio Gherdëina (fotografia fata d‘autonn dl 2019).