La band "Spandi", na grupa jëuna nueva de Gherdëina

Data

05 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
»Spandi«, na parola che univa tëuta su per i ani setanta-otanta per descrì zeche de bel, ala ngranda. Ajache chësta parola ne vën nia plu tëuta ca al didancuei, dantaldut dai jëuni, se à Simon Rabanser mpensà de ti dé propi chësc inuem a si grupa nueva, la band »Spandi«. Da udëi y da audì ntant sun i social media.

Simon Rabanser sona l’armonica y da n valgun ani incà nce l tlavier. Dan mpue’ passa n ann àl metù su na grupa nueva, chiran ora jëuni de si età, che sona ënghe bele da plu ani incà n strumënt y che à nsci bele na cërta esperienza tl ciamp dla mujiga. Per la usc y chitara iel Alex Großrubatscher, per usc y bas iel Carmen Moroder, per usc, ukulele y cello Cindy Hofer, ala percuscions iel Pauli Moroder.

Sun i social
Davia che ne savon nia tan giut che ne puderon nia suné dan al publich, se ons mpensà de scumencé zeche de nuef. On scumencià chëst’ena passeda, ai 29 de mei, cun n format nuef, l »new music friday«, ulache sunon uni vënderdi live sun nosc social media, @spandi.music sun Instagram, cianties cover nueves mparedes ite ntan l’ena. Uni ena iel nscila n pitl cunzert live digitel de n chindesc menuc – mes’ëura, ulache l sarà tl daunì nce da audì d’autra grupes, cumpanies che sona si cianties y possa nscila se prejenté.

Deplù tla edizion stampeda di 5 de juni.

FOTO: La band nueva de Gherdëina, »Spandi«. Da man ciancia, Alex Großrubatscher, Cindy Hofer, Simon Rabanser, Carmen Moroder y Pauli Moroder.