La Usc di Ladins

L Cunsëi de Chemun de Urtijëi à dat pro l proiet de mascima per la mubilia dedite per l ressanamënt dla Scola Mesana Ladina tla Streda Rezia a Urtijëi. La persona de referimënt che se cruzia tlo ie la vizeambolta Lara Moroder. Te Scola Mesana vëniel metù ite da nuef te duta la tlasses gran pert di stuei y dla mëises per sculeies y nsenianc. Pona uniràl metù ite te scola na lingia de castli y sëuraprò mo castli aposta da dsaré, l vën oradechël fat ite da nuef l ufize de secretariat. Nueva sarà nce la mubilia per l verdiaroba di sculeies y mo vel’ mubilia te porte, a na maniera che n posse nce iló nsenië.
L proiet ie unì purtà inant dal architet Harald Perathoner. Per l ntervënt iel udù dant n custimënt de de ndut 350.000 euro.

FOTO: La vizeambolta de Urtijëi Lara Moroder.