Urtijëi: raion vërt pra la Cësa de Paussa

Data

07 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Cunsëi de Chemun de Urtijëi à dat pro l proiet de mascima per »l ressanamënt y la sistemazion dl raion vërt sëura la garasc sun Plaza dla Stazion a Urtijëi«. Da coche spiega l ambolt de Urtijëi Tobia Moroder, che se cruzia dla scumenciadiva, »iel bele da plu ani incà l problem che la spersa de vërt danter la Cësa de Paussa y la locomotiva, che ie sëura la garasc, streva. Perchël vàla de zaré su dut chël tòch, per ruvé pra la ijula-zion, che ie da fé da nuef. Oradechël iel da ti dé la drëta pendënzes per la drenaja. L unirà nce fat n mplant che sciauda per la roles che avisa ora l’ega, acioche la ne dlace nia d’inviern, coche l ie bele suzedù. La previjion ie pona mo per lëures da muradëur, te garasc dedite, dl parëi dossù che tën su la streda. Do chisc prim lëures uniràl pona fat da nuef duta la spersa dl parch sëuravia, per avëi nscila n raion atratif per la jënt dla Cësa de Paussa, ma nce per la cumenanza y per avëi na bela cherta da vijita per la jënt che lascia l auto y vën pona da garasc ora.«
L proiet ie unì purtà inant dal njenier Siegfried Comploi. La previjion di custimënc ie de 500.000 euro.

David Lardschneider

FOTO: L proiet per l raion vërt sun Plaza dla Stazion a Urtijëi.