La Usc di Ladins

Nstadì iel stat senteda de Chemun a Urtijëi. Coche da tradizion dà l Cunsëi de Chemun pro l cont finel di Destudafuech de Urtijëi, nscila nce dan otodì per l cont cunsuntif 2019. Da pert dl ambolt y de dut l Cunsëi iel unit na lauda y n rengraziamënt de cuer per i Destudafuech, per si lëur de ulentariat tan mpurtant per la cumenanza.

Record de ntervënc di Destudafuech
Ntan l ann passà à i Destudafuech de Urtijëi metù su n record nuef de ntervënc, bën 92 de ndut, cun 36 mé pervia dla gran nevera. Na lauda y n rengraziamënt ti ie jic ai Destudafuech nce per l gran aiut che i à dat te chësc mumënt rie de coronavirus, judan danter l auter nce a purté ora mascheroc, lëtres o bonns tla cëses.

David Lardschneider

FOTO: N ntervënt di Destudafuech de Urtijëi tl 2019.