L’ansciuda ie tlo, ma te truep luesc màncel n ucel bënulù da duc, la rondula. Bele da giut incà savons che l habitat di uciei de migrazion vën purtruep for mënder y mënder, nsci nce chël dla rondules. Leprò vën mo l smendramënt massif dla cumpëida de nsec, si spëisa prinzipela.
Na grupa che se cruzia dla rondules
Tl ITE Raetia de Urtijëi se à na pitla grupa metù adum per jì, ntan si tëmp liede, a ti cialé ai uciei. L proiet ie unit a s’l dé sun scumenciadiva dl prufessëur dl ITE Aaron Demez, deberieda cun l espert de uciei, l ornitologh Iacun Prugger, che ie nce presidënt dla Lia provinziela di Uciei. Cun chësc proiet de »Citizen science«, che ie la scienza ulache n ti damanda l aiut ala populazion, ulëssa la grupa purvé a abiné truepa coes de rondules tlo da nëus. Perchël prions bel duc chëi che à ueia y dl’aurela de nes mandé ite la coes che abinëis o che ëis sun vosta cësa. Chësc pòssen fé cun n formuler online (shorturl.at/abmH1) o desćiarian ju l formuler sun www.uciei.it/rondules.html che n possa pona ti mandé a info@uciei.it. Tulon l’ucajion de rengrazië bele danora chiche juda pea. Deplù tla edizion stampeda di 5 de juni.
La Grupa per la Defendura di Uciei de Gherdëina
FOTO: Na grupa dl ITE Raetia cun la coes per i uciei fates a man.
