Te tëmps de ...

Data

13 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chësc ie l titul dla mostra de Elisabeth Frei, che ie unida a s'l dé tres i avenimënc che se purtova pro do y do ti mënsc de majera crisa dl coronavirus. Mpo ne dëssa si lëures nia mé vester na descrizion, ma fé pensé do n generel ala situazions desferëntes te nosta sozietà.

Coche l coronavirus se à sparpanià ora bel plan sëura dut l mond, nsci se à Elisabeth Frei mpensà de purté nce si lëures, nia sëura dut l mond ma almanco sëura dut Südtirol. L ie na mostra itineranta che à scumencià te Sëlva, ulache la ie da udëi al mumënt tl Café Des Alpes sun Plaza Nives per n diesc dis nchin n vënderdi ai 16 de lugio y jirà pona inant tla Venuesta tl ciastel de Tschengels, arjunjerà pona luesc coche Eppan, Persenon, Naturns, Sterzing y mo d'autri per se stlù ju de setëmber tla cësa de Chemun a Laion, ulache la artista ie da cësa.

I lëures per la mostra itineranta "Te tëmps de ..." cun l titul uriginel nglëisc "In time of(f)" - "off" che per nglëisc uel nce dì nia n funzion, stlut ju – ie nasciui te n tëmp ulache nce i artisć ne savova nia coche la jirà inant per ëi.
Stajan te si berstot y scutan su la nutizies dates tres di per di te radio y televijion, à Elisabeth Frei dat esprescion a si ideies n con' dl argumënt atuel te chël mumënt y publicova si lëur pona sun Instagram. Cun la mostra ulova ëila śën mëter adum chësta lingia de lëures.
Hans Heiss, storich y politicher de Südtirol, descrij l lëur de Elisabeth Frei, dijan che la ti à dat na udleda ironica ala situazion.

UK


Deplù  iel da liejer sun La Usc dl 10 de lugio 2020


Fotografies: La artista Elisabeth Frei y un de si lëures che à da n fé cun l tenì la destanzes.

Galaria retrac