La Usc di Ladins

Do mënsc de melsegurëza àl nce chëst ann pudù unì a s'l dé l proiet da d'instà per mutons y mutans Pavël, che ti juda a truepa families cun mëndri y mëndres. L va mo inant nchin ala fin de agost.

Nce chëst ann ons bele fat mez viac cun l'enes da d’instà dl Pavël te Gherdëina. N à bele scumencià a lauré de jené per mëter a jì dut a puntin, ma pona, cun la pandemia dl Covid-19, ne savans nchin ala fin de mei nia sce pudessan bën fé l Pavël o no. La despusizions stateles y provinzieles mudova da ena a ena. Mpo iesen do truepa sentedes sun Zoom stac boni de la mëter a jì nce chëst ann, per pudëi ti judé ala families che fova n deficultà, ajache les ne savova nia plu ulà mëter i mutons y la mutans, canche duc à inò pudù jì a lauré. Perchël ons a Urtijëi cialà de pité bën ot enes - dai 29 de juni nchin ai 21 de agost - mpede sies coche scenó. Tan che chësta scumenciadiva ie unida y vën inant prijeda vëijen dala gran cumpëida de mëndri y mëndres che ie unic ntan duta l'enes nchin śën.

L articul ntier tla edizion stampeda di 31 de lugio.

Per l Pavël de Urtijëi,
Anna y Marlies

Foto: Mutons y mutans dl Pavël se tripa te ruf.