Da n struf incà vëniel jit cun ciacules, da ustaria, che l dëssa vester plu caji de Covid-19 te Gherdëina. Da coche lascia a l savëi la urganisazion de turism Gherdëina Marketing ne n’iel nchin a n juebia ai 6 de agost degun cajo cunesciù de coronavirus te n eserzize de albierch dla valeda!
Da coche auza ora Gherdëina Marketing ie dé inant na nutizia fauza sambën de gran dann per l’economia y per l bon inuem. Chiche dà inant de tel nutizies fauzes possa nce unì straufà!
Perchël, mo n iede: te Gherdëina ne n’iel DEGUN/A! hotel, pension, residence, fitamajons, garnì o d’autri eserzizies de albierch che à caji de coronavirus o che à gor messù dsaré si strutura!
I latins dijova: "Si tacuisses, filosofus mansisses!", che uel dì: "Sce te ësses tenì la musa, fosses restà n filosof!" L semea che l ie mpo na bela cumpëida de jënt che ne à nia nteres a resté n filosof...
David Lardschneider
FOTO:
"Fake News" per nglëisc, per ladin "ciacula da ustaria", per talian "bufala", ie n generel na nutizia fauza, che vën de regula monce data inant aposta, n malafede. Te si denuminazion uriginela senifichea "bufala" l tier che udon sun la fotografia (foto de Sonja Pieper - Flickr: Mozzarella Büffel, CC BY-SA 2.0, https://commons.wikimedia.org).
Turism te Gherdëina: Fake News y coronavirus
Galaria retrac
View the embedded image gallery online at:
https://www.lausc.it/valedes-ladines/gherdeina/13229-turism-te-gherdeina-fake-news-y-coronavirus#sigProIdbf955c05aa
https://www.lausc.it/valedes-ladines/gherdeina/13229-turism-te-gherdeina-fake-news-y-coronavirus#sigProIdbf955c05aa