L presidënt dla Lia per Natura y Usanzes, Engelbert Mauroner, à ulù tò pusizion te n comunicat stampa, sun la situazion dl busiamënt sun la stredes di jëufs ntëur Mëisules defin sëuraciariedes, ulache n ne ie for mo nia stac boni de abiné na regulamentazion aldò.
Azions de prutesta coche l "flash mob" dla Lia deberieda cun la #generazion tlima, semea de ne avëi nia giapà audida. Nsci scrij Mauroner:
"La manifestazion – che ova abù n gran suzes nce ti media – ne n'à mo nia purtà si fruc. Chëst ann 2020 ie la situazion mo piecia pervia dl coronavirus che nvieia l patin a tò si mesun de trasport privat. Do ani che la politica rejona y vëij ite l problem dl tarfich sun i jëufs ne n'àn mo nia abù l ardimënt de mëter n droa vel' pruposta cuncreta per duc cater i jëufs ntëur al Sela".
Velch deplù y la prupostes che vën fates dala Lia per Natura y Usanzes ie da liejer te La Usc dl 21 de agost 2020.
Dessëni che rafigurea l problem dl trafich sun i jëufs. (Dessëni de Caroline Comploi)
|
|
