La Usc di Ladins

Tëmes, melsegurëzes y melvester ie roc ite te nosta vita tl tëmp de Covid y post-Covid y se trajerà mo inant per n pez. Na psicologa nes stlarësc ciunes che ie la problematiches che toca dantaldut la pert plu sota dla persona.

Psicologhes à bel riesc metù n verdia la jënt per la cunseguënzes dla tëmes y dl destanziamënt soziel, che fova al mumënt la sëula mesura da mëter n droa per schivé che l Covid-19 se slargëssa ora mo deplù. L fova na situazion nueva per duc, che nes à fat sté ert, che ne cunescian mo nia y che nes ie unida ados te n aiet, zënza ne vester nianca n śich njeniei a vel’da de tel. Se on lascià spieghé dala psicologa Monica Pilla , che fej nce servisc tl zënter de Prim Aiut a S. Cristina, ciunes che possa vester la cunseguënzes dl lockdown sun la persona y si psiche.

Monica Pilla: "L ie plu fatores che possa nes fé ntënder che na persona ne se n sta nia bën, dantaldut sce la cunescion bën. Dijon mé che dantaldut iela per la majera pert nsci che se ntendon che si melvester ie tan grant che chësta persona ne n’ie nia plu bona de fé cieche la fajova normalmënter uni di: ne n’ie nia plu bona de lauré, se stënta a durmì, a maië y n.i. Te chisc caji uei for ti mëter a cuer a duc che l ne n’ie nia da se daudé sce n damanda n aiut! Dal psicologh ne va nia chiche a problems, ma chiche proa a ti vester."

La ntervista ntiera a Monica Pilla ie da liejer tla edizion stampeda di 25 de setëmber.

Ntervista de Ulrike Maierhofer

FOTO: Monica Pilla.