La Rë europeica di Museums prejentea l proiet »Mejes«

Data

31 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun si proiet »Mejes de Gherdëina: La memoria de na cuntreda« descëida l Museum Gherdëina nteres a livel europeich. Bele de setëmber àn prejentà n proiet tl cheder de na cunferënza digitela dla Rë europeica di Museums y śën ie l video dl proiet da udëi sun la plata web de NEMO.

L ultim cunvëni digitel dla Rë europeica di Museums NEMO »Network of European Museum Organisation« fova dedicheda ala respunsabiltà soziela di museums. »On pensà che nosc proiet nzentrà sun l mantenimënt y la restruturazion di mejes storics passenëssa defin pra chësc argumënt«, stlarësc Paulina Moroder, diretëura dl Museum Gherdëina. Na valutazion che i respunsabli de NEMO partiva cun ëila. Deberieda cun proiec de museums dla Spania, dl Portugal, dl’Austria, dla Serbia, dla Slovenia, dla Polonia y dla Slovachia, ie »Mejes« unì prejentà tla sescion Expo dl cunvëni digitel.
Da n valgun dis incà pòssen udëi l video de prejentazion dl proiet sun la plata web de NEMO. »On na drëta legrëza che on abù chësta ucajion ajache la ti dà vijibltà a nosc proiet y ai obietifs che l à, che va pu scialdi delà dai cunfins de Südtirol«, dij Moroder. »Ala fin dla finedes vàla de valorisé l patrimone architetonich de nosta valeda coche testemunianza cuncreta dla cultura identitera alpina, na cuestion de gran atualità nia mé per nosc raions.« L tour dla mostra itineranta, cun la bela fotografies de Václav Šed••, àn al mumënt, pervia dl Covid y la melsegurëza dla prugramazion da pert di museums, sburdlà al 2021. Ma ntant ie l video dla mostra y duta la nfurmazions n con’ dl proiet »Mejes de Gherdëina: la memoria de na cunteda« a despusizion online sun la plata web dl Museum y sun la plata dla rë di museums d’Europa NEMO sot al’adres www.ne-mo. org/about-us/eu-presidency-museum-conference/expo-area.html.
 
FOTO: La mostra di mejes dl Museum Gherdëina.