FC Gherdëina: inant prims

Data

01 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L FC Gherdëina stluj ju contra l Valdaura la prima partida de chësta sajon zënza fé gol, ma la lingia positiva de partides zënza ne giapé gol va inant. L FC Gherdëina resta nscila prim te tlassifica. Danz che ntant iel unì archità via l campiunat, nce de 2. categuria.

De reviers ala partida: n sada don doi enes ne n’ie l FC Gherdëina, pra l’ultima partida che n à mo pudù fé, purtruep nia stat bon de tré l palé do la rissa blancia dla cassa. Ma do set partides che à purtà bën 19 ponc tla tlassifica, pòssen dessegur rujené de n start dla sajon scialdi garatà per la scuadra de Marco Maraner.
L Valdaura/Olang à scumencià bën la partida, cun nce vel’ ucajion de fé l gol dl 1:0, ma puech dan la fin dl prim tëmp ie l Gherdëina stat la scuadra che ëssa pudù fé l prim gol. Danz che la ne n’ie nia jita fata. Nce tl segondo tëmp iel stat doi de gran ucajions, cun Maurizio y Luca Foldi, che ne n’ie dala curta destanza nia stac boni de tré te cassa.
L trainadëur Maraner ie sambën mpo cuntënt de coche la scuadra se cumporta al mumënt. Cun set partides zënza degun gol giapà, pòssen dessegur rujené de na gran atenzion y cualità di pecs, cun i atacanc che fej i goi che n adrova per vëncer.
Davia che l Steinhaus à perdù contra la scuadra dl’Auta Val de Puster, ie śën l FC Gherdëina mo prim cun cin’ ponc deplù te tlassifica dan chësta doi scuadres.

Ntant ie, coche dit, l campiunat archità.

Valdaura/Olang 0 - FC Gherdëina 0

Furmazion: Lukas Demetz, Mirko Demez (al 60’ Philipp Demetz), Luca Foldi, Maurizio Foldi, Albian Krasniqi, Marco Moroder, Michael Perathoner, Pitscheider Aaron (dal 71’ Hannes Ploner), Mattias Rifesser, Daniel Tiozzo (dal 61’ Raoul Moroder), Alex Unterkircher (dal 75’ Sebastian Ploner).

LA TLASSIFICA
2. CATEGURIA, GRUPA C, DO 7 PARTIDES:

1. FC Gherdëina 19 ponc
2. Steinhaus 14 ponc
3. Hochpustertal 14 ponc
4. San Laurënz 11 ponc
5. Terenten 10 ponc (5 part.)
6. Le Sest 7 ponc (5 part.)
7. Mühlwald 7 ponc (6 part.)
8. Valdaora 7 ponc
9. Tasten/Valsperch 7 ponc (6 part.)
10. Val Badia 6 ponc
11. Gais 5 ponc (6 part.)
12. Falzes 0 ponc (6 part.)