La Usc di Ladins

Nce la Mujiga de Sëlva s’ova tl ann 1979 ncaprizià de fé na plata y na cassëta. Fan mo truep musicontri jëuni, ma mpo l’ova l »Kapellmoaster« mplanteda. Andrea Mussner da Costa, che ie stat truep ani alalongia a cë dla Mujiga, nes ova nsenià ju n program cun plu sortes de mujiga, nce mpue’ moderna. Danterite ans sunà cater marces de Sëlva, una plu da festa dl’autra, doves de Andrea da Costa y doves de Oswald Delago dl Scoiattolo. Bera Oswald ie nce chël che n aud sunan da solista, l saxofonn, tan bel che l ti semea mpue’ al’oboe. Cun ël ova nce Adolf Runggaldier da Merch tumbrëta, Arnold Demetz de Plan saxofonn bariton y Franzl Runggaldier da Lampezan bas, bele fat esperienzes de registrazions. Lecurdon tlo che la Mujiga de Sëlva fova stata, mé puec ani dant, marati la prima de dut Südtirol a lascé unì permez a suné nce n valguna jëunes.

L articul ntier, la 9a pert dla lingia de articuli che mostra su la storia dla mujiga tëuta su sun plates y cassëtes cun jënt de Gherdëina, ie da liejer tla edizion stampeda di 30 de utober.

Pauli Senoner Gredine

FOTO: La prima LP dla Mujiga de Sëlva (1979).