La Usc di Ladins

La mesures de restrizion nueves pervia dl coronavirus vëija dant che la butëighes à messù stlù. Daviertes resta mé chëles che vënd roba »de prim bujën«. I buteghieres ne n’ie nët nia cuntënc de chësta dezijion tëuta mé a livel provinziel y à nce lascià audì si usc de prutesta.

N se la vëija grija sce la stluta dura plu giut: Ntant iel udù danora che n muessa tenì dsarà nchin ai 22 de nuvëmber, chësc vel sibe per la butëighes, che per ustaries, bars y n.i.. Mé che n jega che chël ne sarà nia assé. »Sce n puderà giaurì per l’Imaculata o almanco per mez dezëmber, pudan nsci salvé l marcià per Nadel, sons cuntënc«, dij Markus Rabanser, »ma sce la durerà plu giut saràl da se ndebité, pona n saràl dessegur trueps che ne giaurirà nia plu.« Ne ulon nia depënjer nosc daunì tan fosch, ma sce la ëssa propi da duré plu giut, pona ne uniràla nia da rì niancanó tlo te Gherdëina.

L articul ntier tla edizion stampeda di 6 de nuvëmber.

FOTO: Butëighes stlutes ti luesc de Gherdëina.