200 metri cubich de sasc y tiera ie smuiei ju n merdi ai 2 de fauré da sëira sun stradon puech do (furnan oravier, ndr.) l trëbe per furné su a San Piere. N à riesc scumencià cun i lëures. L vën nce rumà ju l material che sta ala zibla - 1000 metri cubich - per seguré la streda.
L diretëur dla repartizion provinziela per l servisc sun la stredes Philipp Sicher dij che la streda resterà dessegur mo dsareda nchin ai 12 de fauré. Da dedò puderàn povester lascé passé i auti almanco da una na pert de streda.
Ntant possa i auti à nce l mesun de astilé ora sun la streda da Laion aut ite, possa i camions y i mesuns pesoc mé furné da Pruca ite.
Foto: © LPA/Straßendienst
Stluta la streda de Gherdëina de viers de Tluses
L ie unit ju sasc sun stradon n merdi ai 2 de fauré da sëira. L vën laurà per seguré la riva dessëura. Almanco nchin ai 12 de fauré unirà l trafich avisà ora sun l stradon de Pruca
Galaria retrac
View the embedded image gallery online at:
https://www.lausc.it/valedes-ladines/gherdeina/14724-stluta-la-streda-de-gherdeina-de-viers-de-tluses#sigProId3752bf4d88
https://www.lausc.it/valedes-ladines/gherdeina/14724-stluta-la-streda-de-gherdeina-de-viers-de-tluses#sigProId3752bf4d88
