La Usc di Ladins

Martin Senoner y Adam Perathoner, respetivamënter presidënt y vize­ presidënt dla Lia di Paures de Santa Cristina, nes conta de situazion nia saurida di paures de Gherdëina, do la rata de »pitli« paures cun puech bestiam. La va de se lascé tumé ite for inò velch per ti vester ala cun­ curënza, ala viera di priejes y ala problematica di prudoc de cualità for plu y plu bassa. Audion for inò di scanduli tl ciamp dla maiadives, dantaldut de chël dla cërn, te chël che i tieres patësc ajache i vën vejelei su tan dassënn che n pudëssa belau dì che i vën »pumpei su«. Per ti vester ala malaties che se slergia ora scialdi debota te stales cun cënc o milesc de tieres, ti vëniel sprizà ite d’uni sort de medejines, che ruva da dedò sambën sun nosc taieresc. I lauranc che lëura iló o tla becaries ulache i maza purciei y armënc sciche sun na ciadëina de montaje, vën paiei massa puech per l lëur sfadiëus che i muessa fé. Dut chësc per pudëi vënder la cërn ti gran discounter a n priesc scialdi bas. Ma ie pa chësc chël che la jënt uel?

SPM

L articul ntier tla edizion atuela de La Usc di Ladins.