La Usc di Ladins

Coche for nvieien la lies che à festejà y festejerà si anuel a repurté de si atività y si storia. Sce zachei sà de vel’ ntraunida o avenimënt da lecurdé fóssel bel sce i se tulëssa dl’aurela de scrì de chësc. Sambën ti vëniel for lascià lerch ai argumënc plu desferënc, de storia, de ert y de mujiga, de tradizions, natura y sport, de stories de vita, de persones y sambënzënza giapa si lerch nce argumënc de tecnica, scienza y n.i.. Danterite vel’ poejia o nce vel’ cuntia ie for bënunides. L Calënder de Gherdëina dëssa vester mpue n spiedl de nosta valeda y de nosta jënt, y ie daniëura na publicazion bënuluda. Chësc ie nce merit de duc chëi che juda pea ann per ann cun si cuntribuc y prupostes, che ie coche bele dit for bën azetedes.
Nce la fotografies da noza de chëi che se à maridà y se marida chëst ann, unirà inò publichedes tl Calënder, perchël prions bel duc chisc de les mandé ite ala Union di Ladins de Gherdëina.

Per rejons de urganisazion vëniel prià bel de dé ju i articuli y la fotografies dan la fin de setëmber 2021:
• tl ufize dla Union di Ladins de
Gherdëina tla Cësa di Ladins
a Urtijëi, tel. 0471 796870
• o tres email a info@ulg.it.
Orar de ufize: lunesc 9:00-12:00, 14:00-18:00, merdi 14:00-18:00, mierculdi, juebia y vënderdi 9:00-12:00.