Veles dl cunsëi nuef ULG ai 28 de auril

Data

27 de auril 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Union di Ladins de Gherdëina fej a l savëi che duman juebia ai 28 de auril saràl dala 20:00 la aduneda generela tla Cësa di Ladins a Urtijëi, cun veles dl cunsëi nuef
La ULG mët a jì bele dai ani l Domesdì Leterer, l Poetry Slam, manifestazions per i mëndri, referac y n.i. L vën nce dat ora truepa publicazions, l ann 2021 ons sambën dat ora l Calënder de Gherdëina coche uni ann, l liber »Ladin te 2 menuc« per mparé gherdëina, l liber per mëndri y mëndres »Matì« y la restampa dl liber Pitla stories dla bonanuet«.
Tan che finei ie nce mo d’autri doi libri per mutons y mutans; »L pitl pecalën« y »Mi liber dla paroles«. Nce la mujiga ne daussa nia mancë, tl 2021 ons nce dat ora la CD »La Prima«dla grupa »tel Tipes«, cater ciantarines de Gherdëina che cianta mujiga scrita da d’ëiles nstësses cun la meludies dl stil »barbershop«.
Un di majeri proiec culturei ie l Portal Ladin. Tlo se tràtel de na plataforma ladina digitela sun chëla che la populazion puderà abiné saurì y riesc dut chël che ie unì scrit per ladin (y unirà scrit tl daunì), acioche l sibe plu saurì che l ladin vënie tëutca te ucajions desferëntes. L ie udù dant de pité cianties, rimes, teater, stories y n.i..
N auter pont mpurtant tla prosci­ma legislazion ie sambën nce l proiet dla Cësa di Ladins, pra chël che n ie bele a n bon pont n cont de tratatives cun Chemuns y Provinzia. Pra la senteda generela uniràl sambën nce prejentà dut l program dl’atitività ududa dant per l 2022 ylità l cunsëi nuef.