La Usc di Ladins

Puech do l tunel a Pruca, jan de viers de Gherdëina, iesen tl lëur de ressané l mur dla spuenda dl Derjon. L Servisc dla Stredes finanzieia i lëures cun la pacher, l Ufize Sistemazion di ruves da mont nord cuer la spëises per i sasc adurvei y l peton.
N à pudù pië via cun i lëures permò de lugio, a gauja dl livel aut dl Derjon y dla lerch scialdi limiteda a despusizion. I lauranc à fat su n mur de sasc Cyclops, l scumencerà pona i lëures per mudelé l liet dl ruf y per l stabilisé.
Per garantì la viabltà ie l semafer unì tëut demez per ntant, a gauja dl gran trafich udù dant.
L custimënt per i lëures ie de prësciapuech 175.000 euro.